Tuesday, December 22, 2009

Pagka siyudad sa 16 ka lungsod, legal- Supreme Court

Gibaliktad sa Supreme Court (SC) en banc sa boto nga 6-4 ang una na nilang deisyon sa pagbasura sa balaud diin ang 16 ka lungsod sa nasud Pilipinas nga nahimo nang siyudad ang himuon pagbalik og lungsod.
Sa gipagawas nga 35 ka pahina nga desisyon sa korte suprema pinaagi ni Supreme Court Associate Jusctice Presbitero J. Velasco Jr., nasayran nga constitutional ang cityhood law sa mga nasangpit siyudad.
Kahibaloan nga ikaduhang higayon na kini sa motion for reconsideration sa 16 ka lugar nga naningkamot gayud nga dili mabalik sa pagka munisipyo.
Republic Act (RA) No. 9389 ay ang Baybay City, Leyte, RA 9390 (Bogo City, Cebu), RA 9391 (Catbalogan City, Samar), RA 9392 (Tandag City, Surigao del Sur), RA 9393 (Lamitan City, Basilan), RA 9394 (Borongan City, Samar), RA 9398 (Tayabas City, Quezon), RA 9404 (Tabuk City, Kalinga), RA 9405 (Bayugan City, Agusan del Sur), RA 9407 (Batac City, Ilocos Norte), RA 9408 (Mati City, Davao Oriental), RA 9409 (Guihulngan City, Negros Oriental), RA 9434 (Cabadbaran City, Agusan del Norte), RA 9435 (El Salvador City, Misamis Oriental), RA 9436 (Carcar City, Cebu) at RA 9491 (Naga City, Cebu).
Ang mga mahirstrado nga mipabor nga legal cityhood laws mao sila si Justices Renato Corona, Teresita Leonardo-De Castro, Lucas Bersamin, Roberto Abad, at Martin Vilarama, Jr samtang mi-kontra usab silang Justices Antonio Carpio, Conchita Carpio-Morales, Arturo Brion at Diosdado Peralta.
Hindi naman nakisali sa botohan sina Chief Justice Reynato Puno, Antonio Nachura, at Mariano Castillo.
Gikabutyag nga buot wad-on ang gahom sa cityhood law nga gipasa sa kongreso tungod supak matud pa kini sa Sec. 6, Art 10 sa konstitusyon sa Pilipinas. Mel B. Munsad

Lolo gidunggab sa kainom

Maayong pagkasamad-samad sa tinae sa usa ka 62 anyos nga lalaki human giluba sa iyang kainom alas 10:30 ang takna sa gabii niadtong Lunes sa lungsod sa Talakag, probinsiya sa Bukidnon.
Ang biktima giila nga si Cosme Peligrino, 62 anyos, minyo ug molupyo ning maong lungsod.
Nasayran gikan ni Police Inspector Arnulfo Mercado, hepe sa kapolisan ning lungsod nga gikabikil sa maong biktima ang iyang kauban og inom hinungdan sa pagluba ngadto kaniya.
Ang biktima nakaangkon ug tulo ka samad sa iyang tiyan diin gikabutyag nga maayong pagkasapon sa iyang tinae ug duha ka mga samad sa iyang siko.
Dali usab nga misibat ang nasangpit nga suspek human sa maong hitabo, og wala usab masayri sa pamilya sa biktima ang pangalan niini ug ang motibo sa pagpanunggab.
Kasamtangan gipailalom karon sa kapolisan ning
lungsod ang maong kaso. Rachel C. Moral PPCRV Talakag

15 anyos kritikal sa bala

Talandugon ang kahimtang sa usa ka 15 anyos nga batang babaye human maigo ang likod niini sa saag nga bala sa armas.
Ang insidente nahitabo ala 1:00 ang takna sa kadlawon sa Barangay Lirongan, Talakag, Misamis Oriental.
Samtang biktima giila nga si Jasmin Andamon, ug molupyo sa nasangpit nga barangay.
Sa imbestigasyon sa mga sakop sa kapolisan sa maong lungsod nasayran, nga dunay disko nga gipahigayon sa maong barangay gumikan kay kadlawanan usab sa ilang pangilin sa dihang sunod sunod ka mga buto sa armas ang ilang nabati.
Nakita na lamang ang usab mga mihagba ang biktima nga nagkadugo, ug daling gidala sa tambalanan.
Nasayran nga ang biktima nakaangkon og samad sa iyang likod nga miresulta sa iyang talandugon nga kahimtang sa Northern Mindanao Medical Center.
Kasamtangan nga gipailalom sa operasyon ang nasangpit nga bata, aron makuha ang bala nga mitaop sa likod sa maong biktima. Rey B. Cabaraban

Kaagi ni George (Sexperience)

Dear Kuya Ondoy,

Nindot ang adlaw ni George tungod natuman na ang iyang gipangandoy nga makatrabaho sa abroad.
Paggradwar palang niini sa kolehiyo iya nang gipangandoy nga makigsapalaran sa laing dapit sama sa Japan tungod nasayod siya nga dako ang iyang oportunidad aron moangat ang iyang kinabuhi.
Usa ka Mechanical Engineer si George. Nahuman niya ang iyang korso sa usa ka iladong unibersidad, 27 anyos palang pero naa nay asawa apan wala pay anak.
Yahoooo…!!!..nakasinggit si George sa kalipay dihang iyang nadawat ang COE gikan sa clerk sa usa ka agency, usa ka dokumento nga iyang magamit aron makakuha siya og visa para sa Japan.
Nakuratan ang clerk nga si Candy sa pag-singgit ni George apan iya gihapon kining gi-congratulates hinungdan nga wala usab mapugngi ni George nga mogunit sa kamot niini nga humok.
Murag nakuryente si George dihang migunit siya sa kamot ni Candy ug nanginit ang iyang tibuok lawas.
Naulian lang si George sa iyang gibati dihang mitingog si Candy ug gi-explain ang tanan niyang buhaton aron makalarga na sa Japan.
Hilom lang nga naminaw si George sa mga gipamulong ni Candy samtang ang iyang mga mata naa sa himsog nga dughan sa dalaga ug misulod sa iyang utok ang dautang huyop sa hangin.
Nabantayan sa Clerk ang mata ni George nga sa dughan lang naglantaw mao nga iyang gi-ingnan ang ulitawo nga maminaw aron makasabot hinungdan nga namula ang nawong ni George tungod sa maong hitabo.
Nagtagbo ang panan-aw ni George ug ni Candy ug naputol kini dihang kalit nga mi-ring ang telepono sa ibabaw sa lamesa.
“Kadali lang George ha” matud pang Candy ug dungan sa pag-angat sa telepono. Ang manager diay niini maoy mitawag ug gipahibalo nga kinahanglan makalarga dayon si George sa Japan.
Daghan kaayong papeles ang gipa-pirmahan ni George ug udto na kining nahuman hinungdan nga gi-agian na lamang niini si Candy sa iyang table ug gi-agda nga dungan silang mangaon.
Human misugot si Candy nga dungan silang mangaon ni George kini na ang higayon nga naka-first based na kini sa iyang tuyo ngadto sa dalaga.
22 anyos palang si Candy, gradwado sa kursong management. Gwapa, 5’6” ang katas-on, kurbado ang lawas, puti og pamanit, medyo bulagaw ang buhok halata nga adunay kaliwat nga kastila.
“Naulaw man ko George oy” matud pang Candy kang George dungan sa pag-unat sa iyang lawas. “Basi masuko si esmee” dugang butyag niini kang George nga dunay dalang kinumediya.
“Dili, ok lang ug dili man pud niya masayran” tubag pud ni George kang Candy.
Milakaw na si Candy pagawas sa opisina ug misunod lang usab kaniya si George. Nagdungan ang duruha sa elevator ug didto sila sa sulod nagka-istorya ug nasayran sa ulitawo nga wala pay boyfriend si Candy ug nalipay siya sa iyang nasayran.
Sa restaurant na gitiwas sa duruha ang ilang panag-istorya ug dili gayud malikayan sa ulitawo nga makapanglad-ok usahay sa iyang laway tungod sa iyang kaibog sa kurba sa lawas ni Candy…atangi ang sumpay